Search in This Site

Friday, December 13, 2013

Higher Education Minister to Solve Old Syllabus Students crisis

ඉසෙඩ් අගයන්ගේ ගැටලුවෙන් සරසවි වරම්

Higher Education Ministry will ensure that the students who were inconvenienced by the 2012 A/L Z-score will be granted justice, Higher Education Minister S.B. Dissanayake stated December 10 after meeting Students.
He said that the government will arrange a special Scholarships program or any other arrangements to admit students for private universities in order to give relief to students who lost the opportunity to enter state universities. At the moment Ministry is considering students’ appeals and will take necessary steps soon.

ඉසෙඩ් අගයන්ගේ ගැටලුවෙන් සරසවි වරම්ඉසෙඩ් අගයන්ගේ ගැටලුවෙන් සරසවි වරම් අහිමි වූ සිසුන් තෝරා සහන සැලසීමේ වැඩපිළිවෙළක් හදනවා - උසස් අධ්‍යාපන ඇමති
2012 වර්ෂයේ පැරණි නිර්දේශය යටතේ උසස් පෙළ විභාගයට පෙනීසිටි ඉසෙඩ් අගයන්ගේ ගැටලුව හේතුවෙන් විශ්ව විද්‍යාල ප්‍රවේශය අහිමිව අසාධාරණයට ලක් වූ සිසුන් තෝරාගෙන ඔවුන් සඳහා පෞද්ගලික විශ්ව විද්‍යාලවලට ඇතුළත් වීමට ශිෂ්‍යත්ව හෝ සහන වැඩපිළිවෙළක් සකස් කර දෙන බව උසස් අධ්‍යාපන අමාත්‍ය එස්. බි. දිසානායක මහතා පැවසීය.
අමාත්‍යවරයා මේ බව පැවසුවේ 10 උසස් අධ්‍යාපන අමාත්‍යාංශයේ පැවති මාධ්‍ය හමුවකට එක් වෙමිනි.2012 වර්ෂයේ පැරණි නිර්දේශය යටතේ උසස් පෙළ විභාගයට පෙනීසිට ඉහළ ප්‍රතිඵල ලබා ඉසෙඩ් අගයන් මත සරසවි වරම් අහිමි වූ සිසුන් පිරිසක් 10 උසස් අධ්‍යාපන අමාත්‍යාංශය ඉදිරිපිටට පැමිණ සිටි අතර ඔවුන් පවසා සිටියේ තමන්ට සිදු වූ අසාධාරණයට සාධාරණ විසඳුමක් ලබාදෙන ලෙසයි.
මේ සඳහා දිවයින පුරා පළාත් නියෝජනය කරමින් සිසු සිසුවියන් විශාල ප්‍රමාණයක් සහභාගි වූ අතර ඔවුන් පෙන්වා දුන්නේ තම නිර්දේශය යටතේ උසස් පෙළට පෙනී සිටි සිසුන් අඩු සාමාර්ථයක් යටතේ ඉහළ ඉසෙඩ් අගයක් ලබා ගනිමින් විශ්ව විද්‍යාලවලට තේරී ඇති බවයි.
මෙහිදී පැමිණි සිසුන් උසස් අධ්‍යාපන අමාත්‍යවරයා සමග සාකච්ඡාවක නිරත වූ අතර ඉන් අනතුරුව මාධ්‍ය හමුව පැවැත් විණි.
උසස් අධ්‍යාපන අමාත්‍ය එස්. බි. දිසානායක මහතා මෙහිදී පැවසුවේ මෙම අසාධාරණයට ලක් වූ සිසුන් යොදාගෙන විවිධ පිරිස් විරෝධතා, උද්ඝෝෂණ සංවිධානය කරන්නට උත්සාහ දරන බවත් මොවුන්ගේ අභියාචනා එකින් එක සලකා බලමින් උපරිම සහනයක් සලසා දීමට බලා‍පොරොත්තු වන බවයි.
විශ්ව විද්‍යාල සඳහා 2012/2013 අධ්‍යයන වර්ෂ සඳහා සිසුන් බඳවා ගැනීමේදී පැරණි නිර්දේශය යටතේ 15 කුත්, නව නිර්දේශය යටතේ 85 බඳවාගෙන ඇති බැවින් ඔවුනට අසාධාරණයක් සිදු වී ඇතැයි පෙනෙන්නේ නැති බවද අමාත්‍යවරයා සඳහන් කළේ ය.
ශ්‍රේෂ්ඨාධිකරණ නියමය අනුව 2012 වසරේ උසස් පෙළ විභාගයට පෙනී සිටි සිසුන් නව සහ පැරණි නිර්දේශ යටතේ පෙනීසිටි සිසුන් ජනගහන දෙකක් ලෙස සැලකීමට විශ්ව විද්‍යාල ප්‍රතිපාදන කොමිෂන් සභාව තීරණය කළ බවත්, අධිකරණ තීරණයට අනුව බඳවා ගැනීම් සිදු කිරීමට මේ වන විට සිදුකර ඇති බැවින් සිසුන්ගේ දැඩි ඉල්ලීම මත මෙම ශිෂ්‍යත්ව සඳහා සහන ලබාදෙන බව අමාත්‍යවරයා පැවසීය.
ජනවාරි වන විට ඉංජිනේරු හා වෛද්‍ය පීඨවල වැඩකටයුතු ආරම්භ කරන බවත්, පෙබරවාරි මස වන විට සියලුම අධ්‍යාපන කටයුතු ආරම්භ කරන බවත්, එස්. බි. දිසානායක මහතා මෙහිදී වැඩිදුරටත් පැවසීය.

Source : Rivira

Related News - Registration Letters December End
                       - Complaints from Old Syllabus Students


www.lankauniversity-news.com